Våre drammar
I kjellaren i Ciderhuset står destilleriet av blank kopar. Innerst i cavaen står eikefata stabla. Her kviler dei edlaste dropane – fruktbrennevinet.
|
Balholm Epledram 6666
På 1800-talet planta Henrik Forman 6666 epletre på garden Stedje i Sogndal. Til tider var avlingane så rikelege at sogningane kunne betale den årlege skatten med frukt. I dag er eplebrennevin mest kjent som fransk Calvados, tysk Obstler eller engelsk Apple Brandy. Balholm Epledram er destillert frå ei blanding av omlag 20 eplesortar, me har nytta heile frukta med skal og fruktkjøt, slik at det blir utvikla ein distinkt eplearoma som er fint integrert med eikepreg etter lagring på franske fat. Kan nytast temperert som avec, til dessert, kaker og frukt, eller som akevitt til lyst kjøt. Gylden farge, 40 % vol, 50 cl. Vinmonopolet Basisutvalget Skanlog-nummer 9043954 EPD-nummer 4339701 |
|
Balholm Epledram 1833
I 1833 starta godseigar og fruktdyrkar Henrik Forman utplantinga av det som skulle bli den største frukthagen i Norden. Sogn vart etter kvart eit av dei viktigaste fruktdistrikta, og fleire gardar hadde både frukthagar og brenneri. I 1833 var det 10.000 registrerte brenneapparat i landet. Balholm 1833 er dobbeltbrent og utan fatlagring. Sval, rein og tørr drikk prega av eple og urter. Passar godt som rein drikk eller som taffelbrennevin til fisk og lette matrettar. Klar farge, 35% vol, 50 cl. Vinmonopolet BU Skanlog-nummer 9050157 EPD-nummer 4720082 |
|
Sogn Aqua Vitae - økologiske eple med karve Sogn Aqua Vitae er destillert frå cider av utvalde eplesortar som er dyrka økologisk i hagen ved Ciderhuset. Aqua Vitae (Livsens Vatn) vart i mellomalderen nytta som fellesnamn på alle typar brennevin. I Sogn dyrka me eple i 600 år før poteta kom til landet, det er difor naturleg å nytta bordeple og ikkje jordeple (potet) når edel drikke skal lagast. Etter kort lagring på franske eikefat, blir det utvikla eit matbrennevin med mild eplearoma og lett preg av karve og tørr vanilje. Kan nytast temperert som ein taffel-akevitt til fisk, lyst kjøt, lam og storfe. Lys gylden farge, 40% vol, 50 cl. Vinmonopolet BU Skanlog-nummer 9044112 EPD-nummer 4339693 |
|
Norsk økologisk Plommedram – fatlagra Plommebrennevin er i dag mest kjent som Slivovic frå Balkan. Balholm Plommedram er destillert frå saftige økologiske plommer frå hagen ved Ciderhuset. Me har valt ei av blanding av fem smaksrike sortar og har nytta heile frukta med stein. Dermed blir det utvikla ein tydeleg plommearoma med snev av mandel og tørr vaniljefinish etter lagring på franske eikefat. Kan nytast temperert som avec, til dessert, kaker og frukt, eller som akevitt til feite matrettar. Gylden farge, 40% vol, 50 cl. Vinmonopolet BU Skanlog-nummer 9044111 EPD-nummer 4339719 |
|
|
Solbær grappa Solbærsaft og syltetøy vart i si tid framstilt i nesten alle heimar. I dag veit vi at solbær har eit høgt innhald av vitamin C og antioksidantar, i tillegg til ein flott aroma. Balholm Solbær Eau-de-vie er brent av heile solbær med stilk. Dette gir eit brennevin med tydeleg solbæraroma og eit litt urteaktig grappa-preg som passar i mange av dei same situasjonane som akevitt, eller som basis for fruktdrinkar – og i solbærtoddy! Klar farge, 40% vol, 50 cl. Bestilling gjennom Cask AS Skanlog-nummer 9044113 EDP-nummer 4348991 |
