Musserande fruktmostar

Opp gjennom historia har det ofte vore kvinnene som har stått for å lage noko godt av frukt og bær i bygdene våre og få frukta til å vare vinteren over. Slår vi opp i ærverdige Fru Henriette Schønberg Erken si ”Stor kokebok for større og mindre husholdninger” frå 1914, finn vi til dømes mange oppskrifter om ”at legge frugtvin”. Dette var inspirasjonen då Balholm skulle utvikle nye drikker av frukt og bær.

---

Emma
​Fruktmost av eple og stikkelsbær 
75 cl

Emma Normann (1871 – 1954) er kunstmålaren som var fødd i Düsseldorf i Tyskland og var dotter av den kjende målaren Eilert Adelsten Normann. Han var også læraren hennar. Emma måla i stilarten på den tida – nyromantisk og med vakre landskap spesielt frå Balestrand, ettersom familien hadde sommarhus i bygda – eit av dei mange i drakestil. Ho bygde seg sitt eige hus – Villa Heimdalsstrand – som no er freda av Fylkeskommunen som eit godt bevart døme på ein kunstnarbustad i Balestrand.

Utvikla frå norsk tradisjon. Frisk og tørr. Passar som aperitiff, men er også fin til lette matrettar som fisk og lyst kjøt. Bør serverast kjøleg.
Vinmonopolet nr. 6861201

Smak: Rein, krema, fin moussé, god friskheit med preg av eple og stikkelsbær.
Lukt: Aroma med preg av ferske eple, urter og stikkelsbær.
Farge: Lys gylden.

DN: 87 poeng Dufter av epler. 
Nydelig frisk syre og en knusktørr og lang sprudlende utgang. Tørr finish. Perfekt aperitiff.  

---

Margaret 
​Fruktmost av eple og rabarbra
75 cl 

Margaret Sophie Green Kvikne (1850 – 1894) er prestedottera og fjellpioneren som kom frå England for å klatre i Jotunheimen. Ho må ha vore ein av dei tøffaste kvinnene som har sett sine sko i Sogn og har sett djupe spor etter seg i norsk tindehistorie. Ho var mellom anna den første kvinna som klatra til toppen av Store Styggedalstind (1888). Ho gifte seg i 1890 med hotelleigar Knut Kvikne. Diverre fekk dei eit kort liv saman ettersom Margaret døydde av tuberkolose berre få år etterpå. Knut fekk i samarbeid med andre sterke kvinner i bygda reist St Olaf’s Church (Engelskkyrkja) til minne om Margaret (1897).

Utvikla frå norsk tradisjon. Frisk og halvtørr. Passar som aperitiff, men er også fin til lette matrettar som fisk og lyst kjøt. Bør serverast kjøleg. 
EPD-nr: 4682373
Vinmonopolet nr. ​7401201

Smak: Rein og fruktg, fint og syrlig preg av eple og rabarbra, innslag av urter.
Lukt: Aroma med fint preg av eple og rabarbra, hint av urter.
Farge: Matt, middels djup raud.

"Karakter 6. At de klarer å bevare en så autentisk duft og smak av rabarbra, er skikkelig bra håndverk. Dette er hva jeg kommer til å drikke i sommer. Alkoholfrie bobler som er så gode at du ikke kommer til å savne alkohol overhodet. Kjøp nå! "
A-magasinet: Ingvild Tennfjord
DN: 88 poeng Dufter av rabarbra og blomster. Delikat sødme og frisk syre på smak med en lett sødme og en lang og lett tørr utgang.
​
​

---

Ingeborg (utgått)
​Fruktvin av eple og plomme
75 cl, 8 % vol.

Ingeborg er ein segnfigur som er kjend frå den islandske soga om Fridtjov den Fræge (Frøkne). Den svenske diktaren Esaias Tegnér gjorde denne soga udødeleg i 1825 gjennom sin diktsyklus på 24 vers, og kunstmålarar har gjennom sine reiser og skildringar av landskapet gjort området i Midtre Sogn – Balestrand, Leikanger og Framnes (Vangsnes) kjend ute i den store verda. Soga vart også omsett av Ivar Aasen i 1858 som den første sagateksten på nynorsk! Ingeborg er motiv for mange kjende kunstnarar på 1800-talet, og måleria frå desse kunstnarane starta bølgja av reisande som kom til Balestrand utover dette hundreåret.
​
Utvikla frå norsk tradisjon. Frisk og tørr. Passar som aperitiff, men er også fin til lette matrettar som fisk og lyst kjøt. Bør serverast kjøleg.
Vinmonopolet nr. 6861401
​
Smak: Rein, krema, fin moussé, med eit forsiktig preg av  plomme.
Lukt: Aroma med preg av ferske eple, urter og plomme.
Farge: Lys gylden.

​DN: 86 poeng ​Dufter av fruktstein, bittermandel og epler. 
Balansert sødme på smak med balanserte bobler og en rik lett moden og fyldig utgang.

---

---